Juan Widmer

I lindur në nëntor 1966 në Valencia, është rritur në Luzern dhe në Zürich. Pas ndërprerjes së zanatit të tij profesional administrativ dhe pas disa punësh në lëmin e transportit dhe të mediave, më 1994 themeloi kooperativen „Zugvogel Reisen“, ku ishte bashkë-administrator, shofer dhe guidë udhëtimesh deri në vitin 2000.
Në vijim, Juan Widmer studioi për administrim biznesi në Shkollën e Lartë Ekonomike (SHEL) në Luzern dhe në Shkollën e Lartë Profesionale (SHPZ) në Zürich. U diplomua në vitin 2005 si ekonomist biznesi, i specializuar në menaxhimin publik dhe të organizatave jo-fitimprurëse. Fokusimet e studimit të tij ishin temat si: revizioni ekonomik, kriminaliteti ekonomik dhe biznesi elektronik (E-Business), si dhe bashkimi dhe ristrukturimi i firmave; tema e punës së tij të projektit ishte menaxhimi publik dhe demokracia në zonën me përqendrim të lartë popullsie të Luzernit. Në punimin e tij të diplomës hulumtoi, sipas porosisë së Ndërmarrjeve të Transportit të Luzernit, për perspektivat e reja të autobusit të natës të Luzernit. Në vitin 2007 themeloi firmën individuale për këshillim ekonomik të ndërmarrjeve J.-M. Widmer.
Përveç kësaj, ai është akoma aktiv në fushën e radio-shkollimit dhe të vlerësimit të kompanive mediatike. Në vitin 2010 Juan Widmer mori pjesë në një trajnim të avancuar për Standardet Ndërkombëtare të Auditimit, duke marrë titullin Auditor Ndërkombëtar në fushën e mediave. Në vitin 2015 ai avancoi më tej, duke marrë Certifikatën për Studime të Përparuara (CSP) mbi komunikimin në një bashkësi, në Institutin e Gjuhës së Aplikuar (IGA) të Shkollës së Lartë për Shkencat e Aplikuara (SHAW) Winterthur.